Aanpakker väör de nar

Veldeke Krink Ech kèntj al ’n paar jaor ‘ne pries, dae toegekèndj kan waere aan leje die get speciaal väör de krink höbbe gedaon of doon. De henj oetstaeke es det nuuedig is. “De Aanpakker” is de naam van deze waarderingspries.

Bie die leje is ouch al langere tied Jan Housmans, dae bie mieë Echter vereniginge es vriewilliger actief is en mit de vastelaovendj teves al 33 jaor de nar is bie de CV de Aester in Ech.

Aafgeloupe zóndig bie de prinsereceptie – wobie teves zien vastelaovesjubileum gevierdj waerdje – haet ’t bestuur van VKE ’ne aanpakker toegekèndj en oetgereiktj aan dit gewaardeerdj lid van hunne krink.