Dialectsalon Remunj mit o.a. Ton Engels

21-01-2018 14.00 uur - Theaterhotel De Oranjerie in Roermond, Joep Nicolaszaal

Op zóndaag 21 januari vervolg Salon Remunj zien 25e sezoen mit ’ne klinkende DialekSalon. Hie-in traeje op: Lizette Colaris, sjriefster van ‘Mo’, ’ne Zittesje thriller,  columnis Guus Urlings, Ruth Houkes, glaaskunstenares, en Ton Engels, gelauwerde rockzenger.

Column: Guus Urlings
Guus is journalis en sjriever van beuk en artikele euver de relatie ‘miens en (Limburgse) natuur’. Hae hilt van sjpele mit wäörd en weurt bie zien creatief proces gaer aafgeleid door waat hae óm zich haer zuut. Hae sjrief euver alles waat Limburg toet Limburg maak.

Auteur: Lizette Colaris 
Lizette kump van Zitterd en haet o.a. Engelse Taal- en Letterkunde gesjtudeerd in Nijmegen. Daonaeve is ze erg muzikaal, maar in 2014 haet ze häöre ‘sax’ ómgeruuld veur ’t sjrieve. In 2016 versjeen häöre dichbundel ‘Passievrucht’ en in hetzelfde jaor ‘Mo’, ’ne thriller gesjreve in ’t Zittesj en vertaald in ’t Holles. In juni van dit jaar is d’r ouch ’n loesterbook van oet-gegaeve mit mitwerking van maar leefs viefteen Zitterdernaere. Verder is ze o.a. columnis bij L1.

Beeldend kunstenaar: Ruth Houkes
Ruth Houkes oet Häör is gefascineerd door de transparantie van glaas. Zie hilt van de oetdaging óm via versjillende technieke haer te wirke nao get specifieks, óm dan verras te waere door de eigezinnigheid van ’t materiaal. Ze sjtudeerde aan de kunsacademie van Mestreech, óntwórp dessins veur stóffe en is docente glazeniere bie de ECI Cultuurfabriek. Bie de creatie van häör beelde combineert ze, door middel van ’ne applicatietechniek, alles waat häör inspireert mit glaas. Ze maakde ’n sjoon vlinderserie en lik zich de lèste jaore toe op ‘Asherinneringe’. Ze exposeert väöl, kortgeleje nog in de ECI.

Meziek: Ton Engels
Ton zink in ’t dialek van zien gebaorteplaats Kepèl (Helden-Panningen). Vanaaf 1970 begós zien mezikale óntdekkingsreis. Hie kwame o.a. de Ton Engels Band en Blowbeat oet. Vanaaf 2000 is hae docent Songwriting aan de Rock Academie in Tilburg wobie ouch Gitaarles en Bancoaching op ziene tejjer ligke. D’r waerde ’ne eige studio (Vulcano) gesjtart dae ’t album ‘Welkom bej de minse’ oetbrach plus ein nuuj Blowbeat-album. En pas nog ’n nuuj dialek-cd: Tom Dumoulin – De Song.

Nuusjerig wie det allemaol live geit klinke? Gae kint d’rbie zeen…

Op zóndaag 21 januari 2018 in de Joep Nicolaszaal van TheaterHotel De Oranjerie. Aanvank 14.00 oer. Entree 5 euro.

← Ga terug