Cursus Venloos schrieve

Vinds dich Venloos schrieve lastig? Haes se meujte met de diverse accente en laesteikes? Maar wils se ‘t noow waal ens éch good liere, op basis van de door de provincie Limburg en de Raod veur ‘t Limburgs in 2003 vasgestelde Veldeke-spelling? Det kin! De kins noow in eine cursus expert waere in ‘t schrieve van ‘t Venloos dialek.
Vanaaf 28 september organiseert Bas Vissers weer eine cursus in Venlo.
De cursus vindt plaats van 19.30 wies 21.30 óngevier. De koste bedrage € 80,00 en de kriegs heejveur zeve aovende les, waobeej ‘t ouk veural leuk en gezellig is, ein cursusbook en diverse materiale. Nao de letste cursusdaag maks se ein korte proeve van bekwaamheid, ein Meisterstök in ‘t Venloos des se gans becommentarieerd truukkriegs en de rkeigs ein getuugschrif van deilname, det örges in jannewari wuurt oetgereik. En daonao…. bis dich ouk expert in ‘t korrek schrieve van ‘t Venloos dialek.
De locatie wuurt tzt bekindgemak. D’r zien maximaal 25 deilnemers.
De data zin maondagaovond 28/9, 5/10, 12/10, 26/10, 2/11, 9/11 en 16/11.