Dialekmis Veldeke Krink Venroj

Zaoterdág 23 september á.s. verzörgt Veldeke-Venroj zòas ieder jaor de Hellege Mis ien de Venrodse streektaal. Dees viēring viendt pláts saoves um 19.15 uūr ien de Groeëte Kaerk Sint Pieëtrus Bânde en wert òpgedrage vur alle ienwoeëners van Venroj en de kaerkdörpe en alle gestörve leeje van Veldeke. Cillebrânt is âld Venrojnaar Henk Janssen ofm.

’t Gemengd Koeër van ‘t Zonnelied luustert de dienst òp oonder lejjing van dirregent Ernest Cruysberg en mit örgenist Jacques v.d. Bosch. De laezinge en vâste gebeeje zien ien ’t Venrods vertáld. Beej binnekòms ien de kaerk wert ’n misbuukske ovverhandegd. De kaerk zal wér krek as ândere jaore moj ien de bluumkes wörre gezet. Omroep Venray mekt òpnames die uutgezoonde werre òp zòndág 24 september á.s. tusse 9.30 en 10.30 uūr. ‘t Bestuūr van Veldeke-Venroj hòpt wer òp ’n volle kaerk.