Dialectovvend Krink Um Mamelis

19-04-2017 20.00 uur - Kloeësterbibliotheek Wittem

t Besjtuur va “ Um Mamelis “ presentieët  vör uch wer ènge sjönne ovvend woeë óp voolóp aandacht is vör  alles wat ós Limburgse taal zoeë sjön  en boeiend makt.

Deër huët dès kieër sjön, leuke en nuij liedjes van en dörg d’r Ivo Rosbeek en boeiende verhale en gedichte in e programma dat ongevaer bis 22.30  oer zal doere.

Hoofdmoot van ‘t  programma  is dès kieër d’r  Ivo Rosbeek. Wieër wèrke an dèzze ovvend mit de vertellere Anita Hamers (Viele) Joos Bekkesj (Gullepe). Deër  weëd och dès kieër wer dörch d’r  Jef Brauers dörch‘t programma geleid. Natuurlik is d’r  in de pauze gelaegenheed öm te genete van èng tas kaffie/tieë, gleske wien, e heerlik Gerardus Kloeësterbeerke of e anger drènkske.

Veër  nuedige uch es lid van “ Um Mamelis “ geër oet vör dèzze ovvend dae öm 20.00 oer begint. D’r zaal is op vanaaf  19.30 oer.

Vör  lede va ozze Veldekekrink is d’r entree € 3,00 per persoeën. Wèlt deer waal vör samstig  15 april èffe dörchgaeve of deër 19 april  van de partij  zöt? Deër kènt uch per e-mail aamelde beej óngergetekende: leny.souren@ziggo.nl of telefonisch 043 – 458 2799. Natuurlik  zunt óch familielede, vröng of bekende va hatse welkom op dèzze ovvend. Vör häön is d‘r entree € 6,00 per persoeën.

← Ga terug