Finale Deklamatiewedstrijd 2017 in Panninge

20 mei 2017

Op zaoterdaag 20 mei 2017 is waer de Limburgse finale van de Deklamatiewedstried van Veldeke Limburg. Ouk dit jaor zal det waer plaatsvinde in de sjieke zaal van DOK-6 in Kepèl (Panninge).  Zoeëwaal de deilnemerkes, elders, opa’s en oma’s en andere toeschouwers kinne waer genete van gedichjes in verschillende Limburgse dialekte.

Deze middaag zal geprissenteerd waere door Hans Jacobs. De zjuri besteit oet de volgende leje, Anke Peters, Marleen Schmitz, Sef Peeters, Ton v.d. Wijngaard en Dwayne Horbag dae taevens veurzitter van de zjuri is.

Van deze middaag waere ouk weer filmopnames gemak as blievende herinnering veur de deilnemers en kringe welke hebbe meigedaon.  Fiorenza Ruijters oet Valkeberg, winnares van ’t Tiener Vastelaovesleedjes Konkoers, kump veur ós optraeje tiedes ’t juryberaad.