Jaorleks Congres VLDN in Laonake

De VLDN (Vereineging veur Limburgse Dialek- en Naomkunde) hèlt op zaoterdag 25 november häör jaorleks congres. Dat congres vindt deze kier vlak euver de grens bij Mestreech plaots, naomelek in Laonake. En dat beteikent ouch tot ’t dialek vaan Laonake oonderdeil vaan ’t program is.

De VLDN is ’n vereineging die ziech riech op de studie de taol vaan zoewel Nederlands es Belsj Limburg. Dat uut ziech in wetensjappeleke bijeinkomste – boevaan ’t jaorleks congres d’r ein vaan is – publicaties en taolkundege deensverliening.

Thema vaan ’t congres vaan dit jaor is: “Laonake, ’n lappedeke vaan taol en historie”. Plaots vaan samekoms is ’t Cultureel Centrum aon d’n Ingelsen Hoof in Laonake. Oonderdeil vaan ’t congres is ’n roondleiing door ’t kestiel en veurmaoleg abdij vaan Hocht.

Deilnumme aon ’t congres is gratis meh geer moot uuch wel veur 15 november insjrieve, per e-mail bij ’t sikkertariaat of per pos nao VLDN, Borneveldstraat 38, 3020 Herent (B). Tege betaoling kint geer gebruuk make vaan ‘ne lunch en ’nen diner. ’t Compleet program vint geer hei en dao-oonder tref geer ouch ‘t insjriefformuleer aon.