Naojaors dialek aovend Veldeke Krink Um Mamelis

Veldeke Krink Um Mamelis organiseert weer ‘nen dialekaovend mèt versjèllende veurdrachte in de Limburgse taol en ’n optrejje vaan de band Chieff Bellstar oet Bochholz. Dee naom is ‘n verbastering vaan Bócheser plat ”sjief belster”, ’n sjijf druugweurs. De band is in 2020 gestart en maak ummertouw mie naom mèt nómmers wie Sjin op girl, Hootse boed en vrij recent d’r Vaarsjtieger, wat geer kint bekieke en beluustere op YouTube. Ze zien binnekort ouch te zien in ’n nui documentair serie vaan Andere Tijden op NPO2.

D’n aovend vint plaots op donderdag 10 oktober in de Kloesterbibliotheek vaan Wittem en begint um 20.00 oor.

D’n entree is € 8,– veur lede en € 10,– veur neet-lede. Tickets kint geer bestèlle bij Lenie Souren: secretariaat.ummamelis@ziggo.nl. Vermel eure naom en mailadres. Geer oontvangk ’n oetnudeging um te betaole (Baankrekening Um Mamelis: NL98 RABO 0107 9042 92 t.n.v. Veldekekrink Um Mamelis). Naotot eur betaoling binne is bij de penningmeister, krijg geer de tickets per mail touwgesjik. Vermel bij ’t betaole ouch weer eure naom en mailadres.