Prizzentatie Kal Plat-Kindervekantiebook

Ein vaan die activiteite die de gemeinte Eijsde-Mergraote oondernump in ‘t kader vaan de campagne “Kal Plat,  is ’t oontwikkele vaan e “Kal Plat” kindervekantiebook. E zomerbook mèt späölselkes, puzels, teikeninge, räödselkes en tips veur oetstepkes in de umgeving. D’n teks in ’t book is deils in ’t Nederlands, deils in de dialekvariante vaan dees gemeinte. ’t Book is bedoeld veur kinder oet oonder- en bovebouw vaan de basissjaole en d’n inhaajd heet altied te make mèt thema’s die in de gemeinte leve,  wie de Brónk, Vastelaovend, processies, vakwèrkhoezer en zoe wijer.

’t “Kal Plat”-vekantiebook zal op donderdag 13 juli vaan 12.30 tot 13.00 oor geprizzenteerd weure op ’t sjaolplein vaan Basissjaol De Den in Mheer (Börgemeister Beckersweeg 45). Ederein is vaan harte oetgenudeg um die prizzentatie bij te woene. Wèthawwer Armand Opreij zal ’t book prizzentere en veur kinder en gaste zien dao neve ’t vekantiebook ouch fruitsap en fruitchips.