Prizzentatie nui book vaan Colla Bemelmans

Ouw leedjes vuur noe, is d’n titel vaan ‘t nui book vaan de Lilmburgse literator Colla Bemelmans. Deen titel verwijs nao de Biebeltekste vaan ‘t Hoegleed en Psalme die door Colla Bemelmans vaan ‘n eigentijdse vertaoling in ‘t dialek vaan zien geboorteplaots Nuth zien hersjreve. Dat gebäörde in opdrach vaan Veldeke Limburg wat Colla Bemelmans daoveur e stipendium verliende.

Oetgeverij TIC liet dao-euver wete: Ouw leedjes vuur noe liet de oetzunderleke krach vaan ‘t Limburgs zien es dao ‘nen echten diechter aon ‘t wèrk is. De leefde, ‘t leve en d’n doed oet de Biebel kinne  väöl korter bij de lui weure gebrach door de ouge vaan Colla Bemelmans. ‘t Book is geïllustreerd mèt sjèlderije vaan Wim van Ratingen, sjèlder oet Nuth.

Het book weurt geprizzenteerd op zoondag 2 aprèl a.s. um 14.00 oor in café I gen Dörp, Körnerstraat, Wijnandsrade. Geer zeet vaan harte oetgenudeg. ‘t Book is te koup veur € 14,90.