Prizzentatie Platbook 17 euver muziek

Op zaoterdag 6 mei vaanaof 10.30 oor weurt in de studio’s vaan L1 in Mestreech Platbook 17 geprizzenteerd. ‘t Thema vaan dit 17e deil in de rij blomlezinge in ‘t Limburgs dialek is ‘Meziek’. Redacteur Henk Hover (L1-programmeker en muzikant) selecteerde 35 tekste oet in totaal ruim tachteg inzendinge oet de ganse provincie. Oonder hun zien srijvers die zelf al eine of mie romans of diechboondels höbbe oetgebrach, meh ouch e paar nuikoumers. ‘t Thema ‘Meziek’ löp wie ‘ne roejen draod door de vetrsjèllende korte verhaole en gediechte in Platbook 17. “De emotioneel wierde die meziek dèks opreup, is bekans neet in wäörd te vatte. De sjrijvers in dit pracxhteg book höbbe dat desoondaanks geperbeerd. En ‘t is ze ouch nog dèks erg good gelök. Ze koume dao  dèks kort bij, bij de emotie vaan meziek”, zoe zeet Henk Hover.