Prizzentatie Veldeke Jaorbook 2017

Op goonsdag 23 mei weurt ‘t Jaorbook 2017 vaan Veldeke Limburg officieel geprizzenteerd op kestiel Mofert. ‘t Ierste exemplaar zal weure aongebooje aon Los Catastrofos. En nao ‘t sjijnt zalle die ouch nog e muzikaol intermezzo verzörge.

Wijer steit op ‘t program ‘n lezing door drs. Fedor Coenen vaan de Stiechting Kestiel Mofert. De prizzentatie weurt aofgeslote door de veurzitter vaan Veldeke Christine van Basten-Boddin. Meh de aonwezege goon neet nao hoes zoonder ‘n drenkske nao aofloup.

Veur de leefhöbbers begint veuraofgaond aon ‘t officieel program um 18.45 oor ‘n roondleiing door ‘t kestiel.

Wee geïntresseerd is deent ziech veuraof aon te melle via redactie@veldeke.net.