Salon Remunj hèlt “Reuzesalon”

Op zoondag 25 miert organiseert Salon Remunj same mèt de Stiechting Reuze-optoch Remunj ‘ne “Reuzesalon”.

Gerard van der Garde hèlt dao ’n lezing euver Maria Theresia en remunj in de 18e iew, Ton Spätjens kump vertèlle euver d’n opzat vaan d’n historische optoch, René Imkamp interviewt bestuursleie Ger van Cruchten en Wim Kemp, lierlinge vaan ’t Technasium BC Schöndeln demonstrere ‘ne speciaolen optoch-app en zaankkoer De Remunsje Geis zörg veur ’n passende muzikaol umliesting.