Streektaolconferentie SND

De jaorlekse Streektaolconferentie vaan de Stiechting Nederlandse Dialekte vint dit jaor plaots op Tresoar in Liewarde op vriedag 8 juni 2018 en weurt georganiseerd door de Fryske Academie in samewèrking mèt de Afûk.

’t Thema vaan dees 13e editie is “D’n (oon)zin vaan taol en dialekpromotie”. Vaanoet versjèllende invalsheuk en windstreke zalle streektaolfunctionarisse, beleidsmètwèrkers en oonderzeukers dit thema bespreke en hun werk mèt uuch deile. Nao 8 lezinge volg nog ’n paneldiscussie oonder leiing vaan Lutz Jacobi.

Nao aofloup vaan de conferentie kint geer oonder ’t genete vaan ’n hepke en ’n drenkske ins kieke in ’t Taolepaviljoen MenM en d’n Taolehoof, oonderdeil vaan Lân fan taal, de mietaolege component vaan de Europese Cultureel hoofstad Liewarde-Friesland 2018.

Deilnaome inclusief koffie, thee, lunch, borrel en oontdèkke vaan d’n Taolehoof, kos € 20,00.

Veur ’t complete program en um uuch aon te melle klik geer hei.