Toneelhoes LFA prizzenteert twiede editie van SOLO

t Limburgs Toneelhoes LFA prizzenteert ’n serie vaan vijf monologe, gespäöld door Limburgse amateur toneelspeulers. Twie vaan die monologe zien in ’t Limburgs gesjreve.

Nao de hartverwermende reacties vaan ’t publiek op de ierste editie vaan SOLO, bringk Toneelhoes LFA in jannewarie 2018 de twiede editie vaan dit nui initiatef. ’n Aovend- of middagvöllende veurstelling boebij e palèt aon aofwisselende monologe geprizzenteerd weurt door vijf amateurtoneelspeulers mèt ’n flinke poortie leefde veur ’t toneel.

Toneelhoes LFA is ’t thoes veur alle toneelmakers, -speulers en – leefhöbbers in gans Limburg. Es provincaol koepelorganisatie veur amateurtoneek zèt ze ziech sinds 1989 in um ’t Limburgs amateurtoneel te oondersteune mèt raod en daod. Gevesteg in en aongeslote bij ’t Hoes veur de Kunste Limburg is Remund de oetvalsbasis om in gans Limburg actief te zien veur ’t Limburgs amateurtoneel.

De rezjie is in de vertrouwde han vaan Marnix Mulder. De speulers en de titels van hun monologe zien:

Gerda Schattorjé mèt ‘Gelûkkig kômme de daag ein veur ein’
Peggy Brummans mèt ‘Zo hoort het’
Renske Martens mèt ‘Zwarte Rivier’
Rezie Vrancken mèt ‘Ich bèn oma’
Wil Cootjans mèt ‘Blij’

Veurstellinge zien te bezeuke op:
Vrijdag 19 januari 2018 | Pesthuyspodium, Maastricht | 20.00 uur
Zondag 21 januari 2018 | Theater de Garage, Venlo | 15.00 uur

Rizzervere via de theaters. Mie informatie vint geer op www.toneelhuislfa.nl/monologenvoorstelling-solo