Toneelvereniging Kiek Mer oet Grathem speeltj ‘t is Bingo oppe camping

14 april 2019

Tjeu en Bets gaon nao de camping. Tjeu hieët hie gaar gein zin in en det leutj hae good merke. Hae knotertj op alles en ederein. Eigelik is ‘t gaar neet gezéllig óm mit hem op fekansie te gaon. De bure oppe  camping vintj hae maar niks, ze lieke waal neet good wies. Ze höbbe häöre cavia Herman mëtgenome nao de camping… waem duit noe zo get? En den kries se ouch nog bezeuk oppe camping. Ouch det nog. As den de duuer neet, mer fles des te baeter oeëpe geit, is de fekansiesjtumming hieëlemaol wiet te zeuke. En Herman… dae zuut dit allemaol gebuure en dinktj d’r ‘t zien van.

Kiek Mer sjpeelt op:

  • Vriedig 12 april 2019 óm 20,00 oer;
  • Zaoterdig 13 april 2019 óm 20.00 oer;
  • Zóndaag 14 april 2019 óm 14.00 oer.

De kaarte kóste € 10,– p.p. en ’t is te doon in BMV de Nassaurie in Grathem. Kaarte zeen vanaaf 30 mieërt te koup bie Bie Smidje of vanaaf 1 april via 0475-452921 (nao 18.00).