Veldeke Veldgewas in Aonsel: Limburgstaolege Poëziemiddag

Op zoondag 25 mei aonstaond organiseert eus online poëziemagazine Veldgewas in samewèrking mèt Studio Oensel ‘ne middag mèt Limburgstaolege diechters, die veurleze oet eige werk. Touwgezag höbbe al Colla Bemelmans (Nut), John Hertogh en Phil Schaeken (allebei oet Zitterd), Godelieve van Gemen (Baolder) en Wim Heijmans (Kirchroa). En veer dinke tot ouch de Veldgewas redacteure Wim Kuipers en Wim Kallen nog wel get goon veurleze. Veur de muzikaol intermezzo’s zörg dialekzenger en muzikant Frans Hermens.

Studio Oensel is ’n hoeskamertheater mèt e beperk aontal vaan ca. 50 zitplaotse. Dat gief ‘ne bezundere, intieme sfeer en garandeert e good kontak tösse wee optrejt en ’t publiek. Dat beteikent evels ouch tot de keertsjes nogal ins gaw oetverkoch zien. Dus es geer debij wèlt zien wach neet te lang mèt rizzervere. Keertsjes koste € 15,- en daoveur krijg geer neve ‘ne ganse middag poëzie en meziek ouch ’n tas koffie en e stök vlaoj veuraof en ’n drenksek nao aofloup.

´t Adres vaan Studio Oensel is Haagstraat 11 in Schimmert. Um te parkere kint geer door de poort rijen. Veur mie informatie kint geer terech op de website vaan Studio Oensel en dao kint geer ouch keerstjes bestèlle. Klik daoveur hei.