Alfa Brouwerij steunt Veldeke Limburg

Es Limburgs familiebedrief wat sinds 1870 besteit, hech de Alfa Brouwerij aon ’t behaajd vaan de regionaol cultuur en tradities. Tijdens de aofgeloupe vastelaovend lete ze dat weer ins blieke door ’n deil vaan de opbringste vaan de verkoup vaan vastelaoevends-sjerpe te donere aon Veldeke Limburg um zoe de Limburgse taol te oondersteune.

Veldeke Limburg veult ziech oeteraard zier verierd door die actie en zal de cheque vaan € 7.500,- besteie aon de organisatie vaan de finale vaan d’n Declamatiewedstrijd, die eder jaor weurt gehawwe veur kinder vaan de basissjaole. Op die meneer koume de cent terech boe ze ’t mieste nudeg ziene: bij ’t bevordere vaan de Limburgse taol oonder de jongste inwoeners vaan eus provincie. Alfa bedaank!