Alfa Brouwerij steunt Veldeke mèt Actie Sjerpe veur de Vastelaovend

De Alfa Brouwerij is e Limburgs femiliebedrief wat neet allein beer produceert meh ziech ouch inzèt veur de Limburgse cultuur en tradities. Ein van die tradities is de Limburgse vastelaovend. En in dat verband verköp de brouwerij dit jaor sjerpe veur de vastelaovend en die zien netuurlek roed, geel en greun gekleurd. En vaan ederen aonkoup vaan zoe’n sjerp geit ’n deil nao Veldeke Limburg, umtot de Limburgse taol belaankriek is veur eus cultuur en identiteit.

De sjerpe zien te kriege veur €11,11. Mèt ederen aonkoup weurt e stökske Limburgse gruutsegheid touwgevoog aon ’t vastelaovendspekske en metein de Limburgse taol oondersteund. Geer kint de sjerp bestèlle via de webshop van Alfa Beer. En Veldeke heet al ’n gooj bestumming veur de cent die zoe binnekoume: die gebruke veer um de jaorlekse Declamatiewedstrijd veur de kinder vaan de basissjaole te sponsore. ´t Behaajd vaan eus taol begint bij de jäòg