Biografische informatie euver Wim Kallen

Iech bin gebore in Mestreech in 1957, höb dao gere gewoend en gewèrk, oondermie bij Bookhandel Meyer-Dupuits.

Veur mie werk woen iech evels sinds 1982 in Zitterd. Iech bin lieraar Frans en Nederlands.

Iech sjreef gediechte veur de Vereniging Sittards Verleden, ’t Gastvrij Bokkenrijdersland en veur ’t Pomologisch Genootschap Limburg.

In 2013 waor iech genomineerd veur de Veldeke Dialekpries mèt de gediechtecyclus “De veer seizoene vaan de leefde”

Iech sjrijf poëzie in ’t Nederlands, veural in ’t Mestreechs en soms in ’t Zittesj.

Iech wèrkde mèt aon “24 Verhalen” en aon “Uit en Thuis in Sittard”, allebei oetgaove vaan de Drie Vertellers (iech bin eine vaan die vertèllers).

In Platbook 10 woort e reisgediech aofgedrök: “Aon de kös vaan Les Landes”. In Platbook 16 e Zittesj verhaol: “Oppe roejviever van Zitterd”. In Platbook 19 twie gediechte: De zejjer”en “Servieske vaan perlemoer”. En in Platbook 20 “Dat smaak nao mie”.

Es poëzieleefhöbber bezeuk iech gere poëzieaovende en geef iech poëzieworkshops.