Brónsgreun Beukske Veldeke Krink Ech herdrök
Ómdet de eerder oetgave oet 2008 van ’t BGB Ech-Zöstere oetverkoch woor, mer d’r toch nog regelmaotig vraog nao woor, haetj ’t bestuur van de Veldekekrink ruum ’n jaor geleje beslaote tót ‘ne herdrök. Dae herdrök zoe tegelijk ’n mäögelikheid zeen get stuuerendje fuitjes d’roet te haole en ’n paar verdudelikinge aan te brènge, mit name waat de wèrkwäörd en hun vervoeginge betruftj. Dees nuuj, herziene versie kömtj op 2 febr. A.s. oet. De her-uitgave is väörbereid door ‘ne wirkgroep bestaondje oet Theo Bougie, Piet Aben, Marc Jessen en Ton van Wegberg. Uterlik en karakter van het beukske zeen hetzelfdje gebleve.
Ouch ‘t gemèndjebestuur van Ech-Zöstere is blie mit dees nuuj oetgave. Door ’n fórse sponsoring wiltj m’n ongerstrepe belang te hechte aan de instandjhaojing van de streektaal. Daodoor kan ’t beukske väör ’n aantrèkkelike pries besjikbaar kómme väör zoawaal nuuj gebroekers es degene die hun awd en wellich verslete exemplaar wille inrule.
Op zóndig 2 februari zal wéthaojer Peter Pustjens in de Stadszaal van het Cultuurhuis aan de Plats dit nog èns óngerstrepe en ’t nuuj Brònsgreun Beukske bie ‘t belangstèllend publiek ónger de aandach brénge. Dees prissentatie vanaaf 15.00 oer zal ómliesje waere mit optraejes van o.a. ‘t meziekkollektief “Alles Geit Plat”.