Bukske mét aoj wichterspuuëlkes

Veldeke Wieërt priêsj zich gelökkig um in dieëze stille tiêd toch wat aan lede en publiek te kunne prizzentieëre inne vôrm van ‘n hândzaam bukske mét aoj wichterspuuëlkes.

Vreuger haaj de jeugd nog alle tiêd en plaats um boete oppe straot te spuuële en zelf now spuuëlkes uut te vînge. Det det wat gezonder woor as de digitaal spuuëlkes van allewiel spriktj vör zich. Vae zeen hieël gelökkig mét ’t initiatief van Bart Maes (Art-is Communicatie) um de aoj wichterspuuëlkes in e now jeske te staeke en uut te gaeve.

De mieëste zeen neet mieër uut te veure en puur nostalgisch. ’t Woor ouch neet allemaol ‘spel’ want sommige spuuëlkes wore mieër duuëgeneeteri-j, zoeë as mét de ‘kattepröl scheete’ of ‘spirtelekânte vânge’.

Zoeë ‘n 30 spuuëlkes zeen beschrieëve en mét teîkeninge opgevroliktj. Effe trökdînke aan en glimlache um dae schoeënen tiêd van eur onbezörgdje jeugd.

’t Bukske és te koup inne bookhândel in Wieërt of via Veldeke Wieërt vör € 10,00 (exclusief portoköste).

 

← Ga terug