Bundel mit 100 gedichte van Veldeke Krink Venlo

Beej gelaegeheid van 75 jaor Dialekvereiniging Veldeke Venlo zien de gedichteschriefsters en -schrievers van ‘t dialek die ónder de plaatse van Krink Venlo valle, gevraog um ‘n veertal gedichte in te steure. Raeje daoveur is ‘t oetbringe van ‘n book mit ‘n bloomlaezing van gedichte in ós moders taal. Oet alle reaksies en de veurraod van gedichte van euverleje dichters haet ‘ne werkgroep ‘n selectie gemak.

Die selectie haet geleid tot ‘ne gevarieerde gedichtebundel mit 100 gedichte dee is veurzeen van foto’s oet de betrokke plaatse. Dit book is vanaaf 14 december te koup beej Bookhandel Koops in Venlo of te bestelle via eure webwinkel. Ouk beej verscheie plaatselike verkouppunte wuurt dit book aangebaoje. De pries is € 14,95 en leje van de Krink Venlo kriege ‘n korting beej aanschaf. De kortingsbón kump beej de Kroedwis van december.

← Ga terug