Colla Bemelmans leus veur op L1 Radio

In ‘t program Plat-eweg vaan Henk Hover op L1 Radio leus eder week ‘ne Limburgstaolegen auteur veur oet eige werk. Dat zien gediechte en verhaole die ieder gepubliceerd zien in Platbook, ‘n twiejaorlekse oetgaof vaan oetgeverij TIC, in samewèrking mèt Veldeke en ‘t Hoes veur de Kunste Limburg.

Dees week is de beurt aon Colla Bemelmans oet Nuth. Heer leus zie gediech “Dinkend aan Limburg” veur. En dat zien bepaold neet allein gedachte euver roesjende beekskes en golvend heuvellandsjap. Wee dat gediech nog ins wèlt beluustere, kint hei klikke (en evekes nao oonder scrolle).

← Ga terug