Collegereeks ‘Limburg en zien grenze’
Gaer wieze weej óg op de korte collegereeks ‘Limburg en zien grenze’ die in september van start geit. De reeks besteit oet vief colleges en is veur idderein toegankelik.
Heejónder vindt geej mier info euver deze reeks:
Collegereeks ‘Limburg en zien grenze’:
De naobeejheid van ‘t boeteland in de Limburgse cultuur en geschiedenis
Dinsdage 9, 16, 23 en 30 september en 7 oktoeëber – 19.30 wies 21.30 uur
Karl Dittrichzaal, Studenten Service Centrum, Bonnefantenstraot 2, Mestreech
Docente:
- dr. Joep Leerssen, hoeëglieraar Limburg en Europa, UM / Tracé
- Joris Roosen, universitair docent geschiedenis, UM / Tracé
- dr. Bram van Hofstraeten, hoeëglieraar Limburgse rechtsgeschiedenis, UM
- dr. Leonie Cornips, hoeëglieraar taalcultuur in Limburg, UM
- dr. Nico Randeraad, hoeëgleraar vergeliekende regionale geschiedenis (Limburg en aangrenzende regio’s), UM / Tracé
In Limburg is de naobeejheid van aangrenzend boeteland baeter veulbaar as in andere Nederlandse provincies. Det beteikent neet allein det Limburg bekind steit um zien ‘on-Nederlandse’ karakter en prat geit op zien internationale gerichheid, ’t beteikent ouk det in ’t Limburgs cultuurlandschap de aanwezigheid van grenze en breukliene mier nao veur kump. Grenze umvange ós en doorkruutse ózze socialen umvang en ós culturele blikveld.
De Limburgse ervaring van en met grenze vormp ’t thematische kader, waoraan ónder mier de veer UM-hoeëglierare met ein Limburgse lieropdrach meiwerke. De grenze die aan de orde waere gesteld zien politiek, historisch, juridisch, talig en landschappelik.
De aafzónderlike colleges
1. State, eur grenze en eur grensgebiede: beejveurbeeld Limburg (Leerssen / 9 sep)
2. Aan de rand, in ‘t midde: Limburgse geschiedschrieving en eur grenze (Roosen / 16 sept)
3. Grenze en euverhede in vruugmodern Limburg (Van Hofstraeten / 23 sep)
4. Grenzen tösse ‘weej’ en ‘zeej’ in Limburg (Cornips / 30 sep)
5. ‘Löss is more’: de inkadering van ‘t Limburgs landschap (Randeraad / 7 okt)
Mier informatie (per college) en inschrieve:
https://www.maastrichtuniversity.nl/nl/events/limburg-en-zijn-grenzen-de-nabijheid-van-het-buitenland-de-limburgse-cultuur-en-geschiedenis
Koste ganse reeks:
Studente UM €10; meiwerkers UM en studente andere instellingen €25; euverige €50
