Cursus Limburgs spraeke
Vanaaf 10 januari 2024 zal weer ‘ne cursus Limburgs es Twieëde taal (Lt2) gegaeve waere in ’t Cultuurhoes “Edith Stein” aan de Plats in Ech. Det is ‘ne cursus mit naodrök op loestere en spraeke en is óntwikkeldj väör volwassene die nog amper Limburgs spraeke.
De lesmethode maaktj gebroek van speciaal väör deze cursus gemaakdje audio- en video-opnames en is verwaeve mit achtergróndjinformatie, cultuur, historie, meziek, beeldjmateriaal enz.
Ouch deze cursus weurtj in groepsverbandj gegaeve door ervare docente en bestuitj oet 8 lesse. Die waere waekeliks (mit oetzunjering van de väörjaorsvekansie) gegaeve op woonsdigaoavendj van 19.30-22.00 oer.
Väör verder informatie en aanmeljing kan m’n ‘ne email sture nao: marjo.jaski@icloud.com
De docente en organisatie van “Leef Limburgs” kieke d’r nao oet same mit uch Limburgs te kalle.