Cursus ‘óntwerp dienen eigen cursus Laeze en schrieve’ in alle dialekte

Wie halde we ’t Limburgs laevend?
Det is ein van de doelstellinge van Veldeke. D’r zien neteurlik vuuel initiatieve die heejaan meiwerke. Ein meneer is ’t organisere van dialekcursusse en dictees in ’t dialek. Daoveur zien docente nuuedig die op eur eige meneer en in ein plaatselik dialek cursusse kinne organisere veur de lokale dialekleefhebbers

Um dees docente de helpende hand te beje is einen docentecursus gepland veur januari 2026. Beej genóg aanmeldinge (minimaal 10) zal Bas Vissers deze cursus verzörge. Idderein met einen taligen achtergrónd, beejveurbeeld (ald-)docent Nederlands of docednt MVT, lieraar aan de basisschoeël, vertaler, teksschriever én veural dialekleefhebber kin zich veur deze cursus inschrieve. Dit hove neet per se Veldeke-kringleje te zien; ouk docente via ein Heemkundevereiniging, Dörpsbelange of Tenielvereiniging zien welkómn.

Weej verzeuke óg as kringbesteurders en Velkdeke-leje kóntak te zeuke met eventuele kandidate en eur te interessere veur deze cursus. Details euver deze cursus vindt geej heejónder:

Aanmelding kin door kóntak op te neme met Bas Vissers, bas@veldeke.net
Gaef in deze mail ef aan welk dialek zeej zoelt wille gaeve en waat óggen achtergrónd is.

DETAILS DOCENTENCURSUS
Doelstelling: ’t opleide van eine persoeën met eine redelike talige achtergrónd tot docent Laeze en schrieve in ’t eige dialek. De deilnemers waere begeleid nao ’t opzette avn einen eige cursus gebaseerd op de Spelling der Limburgse dialecten-2003. ’t Indresultaat van deze cursus is det d’n deilnemer eine cursus laeze en schrieve kin verzörge in ’t eige dialek.

Duur: 5 à 6 aovonde (nader te bepaole), deur per aovend: 90 tot max 120 min
Materialen (inclusief) op USB èn ’t gebroekde cursusbook Venloos, inclusief kóffie en thee
Totale belasting: óngevier 25 oor (inclusief veur- en naowerk)
Data: ma 12/1, ma 26/1, ma 9/2 ma 2/3, ma 23/3 en oetlouper ma 6/4 (6x)
Kosten: € 175,-
Docent: Bas Vissers. Hae verzörg deze cursus al mier as 10 jaor.
Deilnemers: minimaal 10

 

 

 
Terug naar het overzicht