De Limburgse taol centraal bij Kirchroa jeet plat

Kirchroa jeet Plat is trök op d’n evenemintenagenda en wie! ’t Einege groetsjaoleg dialek-evenemint vaan Limburg doompelt op zaoterdag 16 september ’t gans stadscentrum vaan Kerkraoj oonder in ‘nen heerleke mix vaan meziek, toneel, poëzie en humor. Tösse 13.30 oor en 23.00 oor steit de stad gans in ’t teike vaan ’t Limburgs. Dao is programmering op mer leefs 10 locaties, boe-oonder de winkelstraote, de Bibliotheek (HuB), de Mezieksjaol, bookhandel Deurenberg, ’t Vastelaovendsmuseum en ’t Raodhoes.

“Ik verheug me op dit mooie evenement, dat voor de achtste keer is georganiseerd door vrijwilligers van de werkgroep Dialect. Tal van artiesten uit heel Limburg laten deze dag hun mooiste creaties horen. Dat zal zeker veel mensen raken, want onze “erkende streektaal” staat niet voor niets het kortste bij ons en moeten we blijven koesteren”, zoe zeet wèthawwer Jo Schlangen (Cultuur).

Broesjend program

Kirchroa jeet Plat trap um 13.30 aof op versjèllende locaties in de stad. Zoe is in de multizaol vaan de HuB toneelspeul vaan Excelsior, Frohsinn en ’t Volkstoneel Kerkrade. In d’n tejaterzaol vaan de mezieksjaol is vaan 14.00 tot 16.30 oor e gevarieerd program mèt meziek vaan De Hoos en poëzie vaan Limburgse auteurs oet de ganse provincie. ’t Typisch Kerkraojs vastelaovendsrepertoire huurt me vaanoef 14.30 oor in ’t Vastelaovendsmuseum, boe geer achterein kint genete vaan Jo Smeets, Viva la Vida, Ton Lauven en d’r Reënboagkloeb. Bij Bookhandel Deurenberg tref geer um 14.30 oor Roger Lataster, Frans Hendriks, Fer Kousen, en luustert geer nao meziek vaan Zuidervrung en kint geer lache mèt Raymond Clement. Bij Hinger Herjods Ruk weurt aon ’t echte Tieëkezinge gedoon mèt Yoerie Heijltjes, Mica van den Berg en Ron Degens, oonderwijl e stök wijerop in de Hoofstraot bands wie Zjwieg, Lei vaan Kaalhei en Bard keihel meziekwerk aoflievere.

Poëzie en meziek

Stadsdiechter Wim Heijmans liet ziech tijdens ’n poëtische wandeling begeleie door oonder mie Wiel Hamers, Noor Vanhommerig en Loek van de Weijer. In de Bieb kinne kinder die vaan dialek hawwe ziech vaanaof 14.00 oor ammezere mèt ‘nen echte veurleeswedstrijd en meziek vaan Lune, die eige dialekleedsjes laote hure. In de Börgerzaol vaan ’t Raodhoes is vaanaof 13.30 oor ‘nen riechtege talkshow in ’t plat, mèt prominente gaste, väöl meziek en veurdragende auteurs in versjèllende Limburgse dialekte. ’t Program weurt in de Raodzaol aofgeslote mèt ‘nene dialekquiz dee geer neet maag misse! Op de merret steit daan ’n kiosk, boe meziek en poëzie ziech zalle aofwisselen. Bands wi Auw Sjóttel, Knienn, Hermans, Ton Engels en de Troubadours van de Toekomst zörge veur oetstekende meziek oonderwijl Jan Widdershoeven, Laura Theunissen en Maurice Hinzen zalle veurdrage oet eige werk. Um 16.00 oor begint ’t Sjun Lidsjer konkoer: wee maak ’t sjoenste nui dialekleedsje, boebij veur de winner sjoen prijze zien weggelag! In totaol zien dao mie es 200 lui op de bein um ’t sjoense dialekfies vaan Limburg te make.

Tejaterveurstèlling mèt Sjpetsiejallietète oes Kirchroa

Kirchroa jeet Plat weurt in stijl aofgeslote mèt ’n speciaol tejaterveurstèlling in de Bibliotheek (HuB), die um 20.00 oor begint. De prizzentatie is in vertrouwde han bij Sjpasminister Fer Kousen, dee e boont scala aon artieste oontvingk. Geneet vaan oonder mie de Crombacher, Danny Pouwels, Jack Vinders & Clara Zoerbier, Paul Weelen, Le Tre Voci, Jo Smeets, Viva la Vida, Martin Krousen en versjèllende sketches vaan TV Excelsior, en nog väöl mie! Dezen aovend is meugelek gemaak door de mètwèrking vaan Parkstad Limburg Theaters.

‘t Compleet program vaan Kirchroa Jeet Plat is trök te vinde op de website van Beleef Kerkrade: www.beleefkerkrade.nl.