De sjoenste stasie vaan Nederland

De stasie vaan Klimmen-Ransdaal is pas geleie oetgerope tot de sjoenste vaan Nederland. Antoon Brouns rappeleert ziech tot heer in zien jäög vaanaof de dao kortbij gelege Baneberg dèks nao de treine zaot te kieke. Heer maakde toen ouch foto’s devaan. En noe sjreef heer e gediech dreuver.

D’r Baneberg

D’r Baneberg dat waor mien plek
Es jóng zoot ich dao in d’r graaf
En kieëk va baove nao de treins
Op zieëkere aafsjtand van ’t sjpaor aaf

Umdat ich dao dèkser zoot
Kóste sómmigge masjieniste mich
Ze tuudde went ze vurbie voeërte
Ich wingkde nao ze pös oet ’t zich

Get wier op waor de sjtaasje Klumme-Ranzel
Gelaege in e daal mit Termaar aa d’r baovekant
Die waor vuer mich doew al in 1965
De sjoeënste sjtaasje va gans Nederland