Dialekaovend aon de Universiteit vaan Hasselt (B)

Ouch de universiteit vaan Hasselt dreug de Limburgse taol in ’t hart. Daorum nuujt ze aof en touw ‘ne gasspreker um ’n huurcolleesj te geve in de streektaol. E paar maond geleie gaove veer achtereinvolgens ’t woord aon journalis Patrick Martens en Minister vaan Staot Willy Claes. Veur ‘t zèsde exposé höbbe veer Willy Miermans genuujd. Heer bringk zien oeteinzètting oonder d’n titel “Mobiliteit in Limburg”. Heer deit dat in zien moojertaol, ’t Maoslands. Tössedoor weure Hasseltse leedsjes gebrach door ’t ensemble Goefolk. D’n entree is gratis en achteraof weurt ’n klein receptie aongebooje um nao te praote.

Willy Miermans (1956) is ‘ne gebore en getoge Maoslender. Heer greujde op in Smeermaos en woent noe in Maaseik. Vaan opleiing is heer socioloog. Bekans 20 jaor laank waor heer verboonde aon de Kunsthoegsjaol vaan Genk. Daoneve waor heer erg actief es spreker en adviseur roond stadsinriechting en woenecologie. Heer is co-auteur vaan ’t Vlaoms Witboek Stedenbeleid. Heer kraog nog mie bekindheid es mobiliteitsdeskundege. In 1990 riechde ’t Vlaoms Parlemint bij decreet de Vlaomse Stiechting Verkierskunde op, en dit stèlde häöm in de gelegenheid um ’t initiatief te numme vaan de Hoegsjaol veur Verkierskunde. In 2003 leep dat oet op de start vaan ’n bachelor- en masteropleiing in de verkierskunde aon de Universiteit vaan Hasselt. Vaan doa-oet bereide heer de opriechting veur vaan ’t Instituut veur Mobiliteit.

  • Organisatie: Universiteit Hasselt i.s.m. Veldeke Bels(j) Limburg
  • Wienie: Dinsdag 10 miert 2020 um 19.30 oor
  • Plaots: Universiteit Hasselt Campus Oude Gevangenis, aula Louis Roppe, Martelarenlaan 42, 3500 Hasselt
  • Entree: gratis
  • Inliechtinge: felixbergers@hotmail.com of 089/35 64 20
  • Insjrieve: neet nudeg
← Ga terug