Dialeksalon ‘Vrieheid’ in cultureel kefee Salon Remunj

Stichting Salon Remunj bi-jt ein podium aan beginnendje en gevestigdje sjrievers, musici, beeldendj kunstenieërs en columniste.

In samewirking mit de gemindje Remuunj en ‘t Lètterkóndig Centrum Limburg organisere zie vief cultureel zóndigmiddige gedoerendje ‘t wintjersezoen.

Op zóndig 19 januari hèltj Salon Remunj ein dialeksalon mit es thema ‘Vrieheid’! Ein veertal dichters oet Platbook 22 kómme dees vrieheid ten gehuuere bringe. Dit zeen Wim Kallen, Toos Schoenmakers, Annie Schreuders-Derks en Paul Weelen. Pierre Bakkes nump de vrijheid óm hie einen eigewieze column aan veuraaf te laote gaan.

Es beeldendj kunstenieër is Marleen Hanse oet Sint Odiliënberg genuuedj, die mit häör vriej vörm emoties vingk. En veur de (aeve vrie) geluide zörg Hans Emmen oet Mestreech, dae veur dit gelaeg begelèdj wuuert door gambiste Hildegard Moonen.

Mieër informatie kintj geer laeze oppe website van Stichting Salon Remunj.

Datum en tied: zóndig 19 januari 2020 óm 14.00 oere.
Locatie: Joep Nicolaszaal van TheaterHotel De Oranjerie in Remunj.
Entree: 5 euro.

← Ga terug