Discussie-aovend in De Balie A’dam: Literatuur en Limburg

’t Amsterdamse podium De Balie besteit 30 mei ‘nen aovend aon de relatie tösse literatuur en Limburg oonder ‘t motto: ‘Nederlandse letteren, vervagende grenzen’. D’n aovend weurt ouch meugelek gemaak door ’t Limburgs Geschied- en Oudheidkundig Genootschap (LGOG), de lierstool Taalcultuur in Limburg vaan de Universiteit vaan Mestreech en ’t Meertens Instituut.

Nederlandse letteren, vervagende grenzen

Oet ’t recentelek versjene werk Geschiedenis van de literatuur in Limburg bliek tot in Limburg beuk vreuger in mer leefs 5 taole versjene. Dat mós ouch wel want de regio waor e belaankriek knouppunt veur Europa: umgeve door Belsj, Duitsland én Nederland. Wie is dees geografische positie vaan invlood gewees op literatuur oet Limburg? En wie heet dit wijer de Limburgers gevörmp? Veer oonderzeuke mèt versjellende sjrijvers oet Limburg en ander plaotse vaan de wereld de beteikenis vaan plaots veur Limburg. Daonao zoeme veer in op de plaots boe Nederland euvergeit in Europa: Limburg. Veer oonderzeuke wat v’r kinne liere vaan dit uniek, verbindend gebeed.

Limburgs es plaots vaan verbinding

In ’t ierste deil vaan d’n aovend oonderzeuke veer mèt sjrijver Abdelkader benali en hoeglierare Joep Leerssen en Thomas Vaessens de beteikenis vaan de plaots. Wat beteikent ’n woenplaots veur de meneer vaan sjrieve, veur ’t creatief proces, en versjèlt dat geveul per stad, en mesjiens per sjrijver?

In ’t twiede deil vaan d’n aovend goon veer op zeuk nao de positie vaan de regio Limburg in Nederland en daoboete. Limburg heet ’n unieke ligging in väöl opziechte, al in de middeliewe waor ‘t ’n verbindende plaots. Kint d’n Europeaan vaan noe get liere vaan de väöltaolege, en väölzijdege identiteit vaan de Limburger? Veer spreke dao-euver mèt oondermie de börgemeister vaan Mestreech Annemarie Penn-te Strake. Veureg jaor sjreef zie ’n opiniestök boe-in ze bepleit tot ’t tied weurt um Nederland ruimer te zien es de Randstad. D’n aovend weurt gemodereerd door Petra Stienen.