Dreide oetgaaf va fotobook “De 250 Sjunste Plekke va Heële”

D’r kump ing dreide oetgaaf va d’r foto-sjlager  “De 250 Sjunste Plekke va Heële”. D’r ieësjte druk, deë i november ‘18 oetkoam, woar in inne daag oetverkoch. Doanoa hat Veldeke Heële noch vúúr de Krismes inne twieëde druk kinne verzörge, evvel deë woar al voet vuurdat de beuk i d’r verkoop koame (i-sjrievinge!).

Umdat de vroag noa ‘t book groeët bliet, hat Veldeke Heële besjloate um inne dreide druk oet te bringe. Lüj die intresse hant kinne ‘nne mail sjikke noa : info@veldeke-heerlen.nl. ‘t Book geet € 22,95 koste.

“De 250 Sjunste Plekke va Heële” is è book mit klurefoto’s en ‘t hat 264 pagina’s i groeët formaat (30×30 cm.) mit hóngerde foto’s va de sjoeënste pleëtsjkes i Groeët Heële. Bei de foto’s vingt ier oetlegk in ‘t Hollendsj, ‘t Ingelsj en ‘t Heëlesj plat.