… en e Zaoleg Nuijaor

‘t Nui jaor moot allewijl veural gelökkeg en gezoond zien. Vreuger winsde de lui ziech neve ‘ne zaolege keersemes ouch nog e zaoleg nuijaor. Dat maag blieke uit de väöl variante vaan ‘t volgende rijmpselke wat roond de jaorwisseling in Limburg woort opgezag:

Zaoleg Nuijaor
‘ne kop vol haor
‘ne moond vol tan
en ‘n waffel in d’n han

Vreuger maakde de chocolatiers roond de jaorwisseling ouch nog sjókelate harte in alle maote en soorte, verseerd mèt sókkerwerk en ‘n sjoen strik drum. Die gaove de lui ziech oonderein kedo en veural de kinder mochte daovaan profitere. Vaan die traditie heet Tony Chocolonely vas noets gehuurd.

Vreuger, jeh vreuger waor alles anders. Geer moot mer zoe dinke: ‘n traditie die neet tege verandering kint, stèlt ouch neet väöl veur.

Um euver nao te dinke nog e veerske wat Colla Bemelmans aon zien vrun en kinnese sjikde:

Es Jozef en Maria
‘ne twieëling houwe krieëge
zou de waereld
d’r dan gans angesj oetgezieën höbbe?
Wat hilt dich taege in 2020

‘t Oontstoon vaan ‘n tradidie is soms vaan ‘n kleinegheid aofhaankelek.

 

← Ga terug