Eus Moojertaol in 8 versjèllende dialekte te beluustere
’t Artikel euver d’n Daag vaan de Moojertaol wat aofgeloupe goonsdag in De Limburger stoont, is ouch te beluustere in 8 versjèllende Limburgse dialekte. De vertaolers höbbe vaan Venraoj tot Lemiers hunnen eigen teks ingesproke en De Limburger heet dao op ziene website ‘ne podcast van gemaak. ’t Is 8 kier dezelfden teks meh es geer ins wèlt hure wie versjèllend de Limburgse Taol is vaan ‘t Noorde nao ‘t Zuide vaan eus provincie, daan is ’t de meujte weerd um hei ins good nao te luustere.
Veer höbben ’t uuch gemekelek gemaak en alle links nao de versjèllende ingesproke tekste op ’n rij gezat, mèt de naom vaan de veurlezer debij. Geer hoof mer op ’t dialek te klikke wat geer wèlt beluustere en ’t geluid vaan eure computer, smartphone of tablet aon te zètte. Dao goon v’r:
- Lemieëzjer plat durch Peter Klein
- Mestreechs door Bèr Brounts
- Kirchröadsj durch d’r Lei Heijenrath
- Remunjs door Hetty Jacobs-Wiermans
- Zittesj door Patrick Werdens
- Venloos door Pieter Ebus
- Venrods dur Mariel van den Munckhof-Gommans
- Wieërts doeër Jan Feijen
Wie sjoen en gevarieerd eus Limburgs is, dat kint noe ederein beluustere.