GEDICHSKES! van Laura Theunissen SPECIAAL VEUR KÈNJER
Nao drie dichbunjels veur volwassene te höbbe oetgebrach, haef Laura Theunissen oet Slek-Ech, ónlangs häöre ieëste dichbunjel speciaal veur kènjer gesjreve.
In GEDICHSKES! staon 50 korte gedichte euver spele, dere, de natuur en emoties, mer ouch euver ‘t viere van ‘n fieësje én persuuenlike talente.
Eder gedich is veurzeen van ‘n kluuerrieke illustratie gemaakt door Linda Dammann en ‘t book eindigt mit ‘n oetnuuediging aan de laezer óm zelf ouch èns ‘n gedichske probere te sjrieve
Zóndig 12 oktoaber óm 14 oer laest Laura tiejes de Nationale Kinderboekenweek veur bie Bookhanjel Dominicanen in Mestreech. Aansloetend is d’r ouch gelaegeheid toet dichte.
