GOEJT UUCH DEDOOR!

’t Is weer zoe wied: Limburg duuk veur drei daog oonder in de vastelaovend. Veldeke deit mèt. Want es de Limburgse taol örgens liet zien tot ze leef en bleujt, daan is ’t wel mèt de vastelaovend. Hoonderde leedsjes weure eder jaor obbenuits speciaol veur dees drei dao gemaak in alle variante die ’t Limburgs kint. Op de regionaole radio en tèllevisie weurt veur eine kier bekans allein mer plat gepraot. L1 hèt noe L11.

Es veer de veurspellinge mage geluive daan weurt ’t biesechteg slech weer, mèt väöl rege en zelfs störm. Meh weer of gei weer, veer höbbe plezeer. Desnoeds oonder ‘ne perreplu. Es v’r mer ein hand kinne vrij hawwe um e gleeske vas te hawwe, al is dat daan ouch vaan plestek. Goejt uuch dedoor!

← Ga terug