Groet Mestreechs Dictee 2023: insjrijving geopend
‘t Is oondertösse neet mie weg te dinke: ’t Groet Mestreechs Dictee. Bekinde en minder bekinde Mestreechtenere riskere ’t drop um hunne kinnes vaan ’t Mestreechs te teste. Veldeke Mestreech organiseert ’t dictee al sinds 2003.
’t Dictee 2023 vint plaots op zoondag 21 mei in ’t Centre Céramique in Mestreech. D’n teks vaan ’t Dictee is dit jaor gesjreve door Phil Dumoulin en ‘t thema is ‘t Leesplenkske. ’t Program zuut es volg oet:
- 10.30 oor: Deure ope veur de deilnummers
- 11.00 oor: Start vaan ’t Groet Mestreechs Dictee
- 12.00 oor: Optrejje vaan ’t Mestreechs Salon Orkes o.l.v. André Rieu
- 13.00 oor: Naobespreking Dictee
- 13.20 oor: Priesoetreiking
- 13.40 oor: Ind
Deiste mèt?
Mètdoen kint op 2 menere: officieel, boebij ’t dictee weurt naogeloerd door de jury, of veur ‘t plezeer, boebijste nao aofloup zelf d’n dictee naloers. Allewel ’t netuurlek ’n ganse ier is este ’t dictee wins, geit ’t veur us veural um ’t mèrtdoen. ’t Mestreechs krijg op ‘t evenemint de aondach die ‘t verdeent en deilnummers liere weer mie euver hun taol.
Insjrieve?
Geer kint uuch insjrieve op de website vaan Veldeke Krink Mestreech en dao komp geer door hei te klikke.