Groot Remunjse Sjeurkelender 2023 aangebaoje aan Gerard Nizet

Op dinsdig 12 juli 2022 is door veurzitter Henk Giesbers van Veldeke Remunj de zèsde sjeurkelender mit sjpreuke en gezèkdes oet Herte, Neel, Remunj en Zjwame aangebaoje aan Gerard Nizet.

Gerard teikent, sjildert en illesjtreert op ’n cartoonechtige meneer. Zo maak hae al jaore sjitterende plaetjes van Remunj en ómgaeving. Kleurrieke cartoonechtige plaetjes wo emes blie van waert. Gerard levert al vief jaor gans belangeloos ’t veurblaad van de sjeurkelender. Dit jaor sjteit de Remunjse Mert mit ’t sjtadhoes centraal.

In deze zèsde kelender sjtaon väöl sjpreuke en gezègdes maar ouch sjtaon in edere maondj sjoon aaj wäörd en kienjerversjes.

De Sjeurkelender 2023 is te koup veur € 13,50 bie de Póppedokter op ’t Munsterplein, bie de Bruna Bookhanjel (vreuger de Plantage) in de Neersjtraot, bie Bookhanjel Boom in de Neersjtraot, bie Primera in Neel, bie de Kleine Tovenaar in Neel en bie Boekado van Heijster in Zjwame.

← Ga terug