Groot Zittesj Dictee 2022

Op dónderdig 1 december organiseiert Veldeke Krènk Zitterd weier ’t ummer oetdagende Groot Zittesj Dictee. Veldeke Krènk Zitterd leet weite zich waat de sjriefwies betruf te conformeiere aan de Spelling 2003 veur de Limburgse Dialecten.

’t Dictee wurt dit jaor gehawte bie De Vief Heringe aan de Molenweg 56 in Zitterd en vink aan óm 20:00 oer. ’t Dictee is dit jaor samegesjtèld door de nuje veurzitter van Veldeke Krènk Zitterd.

In eine óngedwónge sfeer ein dictee make. ’t Geit hiebie neit óm zo wenig muigelik faeldesj te make mer óm te kieke wo dat geer sjtaot mit sjrieve van ’t Zittesj. Geer zeet ouch neit verplich óm ’t aantal foute kènbaar te make mer daegein dae dit waal wilt doon en de wenigste foute haet is de wènnaar van d’n aovend.

Wilt geer mitdoon? Insjrieve via Veldeke Krink Zitterd ónger vermelding van: Groot Zittesj Dictee.