Herman Theunissen laest väör bie bookhanjel Dominicanen

Op vriedag 14 mieërt laest sjriever Herman Theunissen (Ech) tiejes de Nationale Bokewaek óm 16oer bie Bookhanjel Dominicanen in Mestreech väör oet zien book  “Laes, lieër en lach”.

In dit book zeen 52 korte Limburgstalige verhaole inclusief grappige aafsloetende spreuke opgenómme. Dènk den beväörbeeldj aan: “Doe kèns baeter èns ónger de luuj kómme, es ónger ein wals”. Dochter Laura, sjriefster van gedichte ónger ‘t motto ‘Vanmichveurdich’ en oetgaever van ‘t book zal häör vader introducere.

‘t Thema van de Bokewaek is dit jaor ‘Moerstaal’. Biewone van de laezing is gratis, mer aanmelje is gewèns. Dit ken via deze link.