Het Genneps Dialectwoordenboek is veerdeg

Op 3 oktober weurt ’t Genneps Dialekwoordebook geprizzenteerd in ’t historisch stadhoes vaan Gennep. D’n iersten drök kaom oet in 1993 en waor in korten tied oetverkoch. Noe versjijnt ruim 30 jaor later de herzene en oetgebreiden twieden drök vaan ’t book. ’t Ierste exeplaar vaan ’t Genneps dialekwoodenbook weurt  door de auteurs Herman Giesbers en Sjaak Kroon, aongebooje aon de börgemeister Hans Teunissen vaan de gemeinte Gennep. Vaanaof vriedag 4 oktober is ’t book te koup bij Bruna, Primera en Tourist Info (VVV) in Gennep en bij Van Dinter in Boxmeer. De pries is € 17,50.

Oetgebreid en geactualiseerd

D’n twieden drök vaan ’t dialekwoordebook tèlt 326 pagina’s en is oetgebreid mèt zoe’n 1900 wäörd, op väöl plaotse is d’n inhaajd geactualiseerd – ’n dialek verandert jummers continu – en foute en tekortkouminge in ’t book oet 1993 zien gecorrigeerd. Ouch is de lies vaan Nederlandse wäörd mèt hun vertaoling in ’t dialek flink oetgebreid, zoetot ’t woordebook noe touwgaankeleker weurt veur lezers die ’t dialek neet vaan hoes oet spreke. ’t Begin vaan eder lètter in de lies van dialekwäörd is ‘ne kleurefoto vaan e landsjap in de gemeinte Gennep vaan de hand vaan Marieke Lemmen.

Het Genneps Dialectwoordenboek, De woordenschat van het dialect van Gennep, Heijen, Milsbeek, Ottersum en Ven-Zelderheide (ISBN 978 90 8101 260 7), is samegestèld door Herman Giesbers en Sjaak Kroon en is ‘n oetgaof vaan de Sichting Dialectwoordenboek van de Gemeente Gennep, 2024.