In Memoriam: Martin Doesborg

Op vastelaoveszaoterdaag is ós ierelid Martin Doesborg euverleje. Martin is ruum 25 jaor lank penningmeister gewaes van de krink Venlo.

Martin haet as besteurslid de kas en dus de späön good beheerd, hae waar zoeë zunig want, zag hae, van weggaeve wuurt ‘n koe nog niks. Martin haet mit groeëten iefer zich in gezat veur veur zien idee: theetied mit Veldeke en haet daoveur alles beejein gehaold um de middaag te laote slage en det is ouk gebeurd: alle minse ware zier tevreje euver dae middaag en ouk euver de organisasie, want Martin zörgde veur de sfeer o.a. mit allemaol tasse en telderkes in dezelfde stiel!
Martin haet ouk ‘n flinke beejdrage geleverd aan ‘t gereid kómme van ‘t nie Veldeke Venlo waordebook ouk mit ‘t naokieke van de
nie ingeleverde wäörd. Want ein dink is zeker: Martin zörgde d’r persies veur det weej de juuste spelling 2003 aanhele.

Weej winse zien vrouw Gonnie, zien kinder en kleinkinder en andere naobestaonde vuuel sterkte toe in de kómmenden tied.

(Tekst: Frans van de Rijdt, ald-veurzitter Veldeke Venlo, foto: Lé Giesen)