Limburgse sjrijvers leze veur op L1 Radio: Jeanne Alsters en Erwin Lennarts

In ‘t program Plat-eweg vaan Henk Hover op L1 Radio leus eder week ‘ne Limburgstaolegen auteur veur oet eige werk. Dat zien gediechte en verhaole die ieder gepubliceerd zien in Platbook, ‘n twiejaorlekse oetgaof vaan oetgeverij TIC, in samewèrking mèt Veldeke en ‘t Hoes veur de Kunste Limburg. De aofgeloupe weke waor de beurt aon Jeanne Alsters en Erwinb Lennarts.

Jeanne Alsters kump oet Venlo en zie leus häör gediech Miene Grond veur, euver de Limburgse boojem en euver Lieske. Geer kint ‘t gediech hei nog ins beluustere.

Erwin Lennarts kump oet Wahlwiller meh is veural bekind es prizzentator bij TV Mestreech. Zie verhaol geit euver e “Menneke” en dat kint geer hei beluustere.