Kajee: Meuskes

Dichten begint met kijken. Citaat van  d’n dichter Krijn Peter Hesselink (Stil Alarm, p. 61). Kieke. Loere. Sjpienze. Ouch aafkieke. Moog.

Uig op uul, höb ich det sjpienze ins geneump. Ich höb det gelierd van mien moder. Daoveur ei waord van häör, det ich noets mie heur: meuskes.

Meuskes? Zeker. Det zien sjproete, sjpruutjes, en det zoog ze duvelsgood. Kiek mit, veural nao die sjpruutjes die nag aan de sjtrónk vas zitte,

det zien klein hötjes moos. Sevoje, roodmoos greunsig besjilderd. Veur de aansjpenders ónger ós: meuske is ’t verkleinwaord van moos, kool.

Nag get, mae waat mót me dao noe nag mit: stronken, sjtrunk, de sjtengele van moos, die heite ouch sjtrabbele.

Januari 2011