‘n Lidje De Zomerzon uut Wieërt

In dieëze tiêd det de werreldj efkes anges es en vae aan regels gebônge zeen kinne vae op ziene tiêd wul ‘n bitje humor en positiviteit gebroêke. Vae verlange weer allemaol um d’r uut te kinne en ouch um weer ‘n terrasje te kinne pikke.

Det hieëf mich geinspirieërtj um ‘n kolderiek filmke te make en ‘n lidje van Patrick en mich uut 2005, det ‘t zunke weer lieërtj schiêne, noow nog us te laote huuëre. ‘t Zoow fein zeen as dejje via ongerstaondje link de leede van Veldeke heejvan mej laotj geneête.

Alvast hertelik dânk. Blieftj gezoond.

Jo van Geneijgen

← Ga terug