‘ne Zaolege Keersemes en e beter Nuijaor

Noe veer weer in ‘ne lockdown verzeild rake kinne veer wel get gooj winse veur de koumenden tied gebruke. Veldeke wins uuch ’t allerbèste veur 2022 en tot ‘t mer e beter jaor maag weure es ’t aofgeloupe want väöl vaan wat ’t leve de meujte weerd maak höbbe veer in 2021 op e lieg pitsje mote zètte.

Dat gelt veur ederein persoenlek meh ouch veur Veldeke es vereineging. Wie väöl planne en bijeinkomste zien aofgelas is bekans neet mie te tèlle. En mèt ein praote via Teams of Zoom heet ouch zoe zien beperkinge.

Meh veer hawwe de mood drin en beeje uuch e sjoen gediech vaan Har Sniekers oet Thoear aon es truus. E bitsje melancholie is wel op zien plaots in dees umstandeghede, es ’t eind mer hoop gief op beter: Laot ’t leech mer aon!