Nui poëzie vaan Colla Bemelmans: Ouw leedjes vuur noe

Veldeke Limburg heet Colla Bemelmans e stipendium touwgekind veur e bezunder project: d’n teks vaan ’t Hoegleed vertaole in ’t Limburgs. Um dat te doen heet heer versjèllende vertaolinge vaan de biebel nevenein gelag en op basis daovaan zienen teks in de taol  vaan zien geboorteplaots Nuth gesjreve. Daoneve heet heer e vieftegtal psalme “hertaold” nao d’n tegenwoordegen tied.

Ouw leedjes vuur noe liet de oetzunderleke krach vaan ’t Limburgs zien es dao ‘nen echten diechter aon ’t werk is. De leefde, ’t leve en d’n doed oet de biebel kinne väöl directer bij de lui gebrach weure door de ouge vaan Colla Bemelmans. ’t Book is geïllustreerd mèt sjèlderije vaan Wim van Ratingen, sjèlder oet Nuth. ’t Weurt oetgegeve door TIC en is te koup veur € 14,90 (kiek daoveur in euze Winkel).