Nuie veurzitter Veldeke Limburg te gas bij L1-Aovendgaste

Christine van Basten-Boddin, sinds e paar weke veurzitter vaan Veldeke Limburg, waor te gas bij ’t praotprogram Aovendgaste bij L1 TV. Zie vertèlde euver de meneer boe-op zie ziech zelf ’t Limburgs dialek heet aangelierd: neet vaan hoes oet – ze woort gebore in Duitsland – meh op straot en op sjaol. Umtot ze wie ze joonk waor in versjèllende plaotse in Limburg woende, vertoent ’t Limburgs wat ze sprik ouch kinmèrke vaan versjèllende dialekte.

Ouch woort häör gevraog nao e paar speerpunte boeveur de nuie veurzitter ziech gestèld zuut: verjonging en feminisering. Christine argumenteerde tot twietaolege opveujing, in tegestèlling tot wat vreuger dèks gedach woort, gei naodeil meh e veurdeil oplievert veur de jäög. Bij feminisering riech zie ziech veural op ’t streve nao ‘ne groeteren inbrink vaan vrouwe bij de besture vaan de lokaal Veldeke kring en bij de vrijwèllegers die ziech inzètte veur ’t bevordere vaan ’t Limburgs.

Wee ’t ganse interview nog ins wèlt naokieke, kint dat doen door op de volgende link te klikke: L1-Avondgasten

← Ga terug