Ode aan Sef Cornet

Veldeke Limburg besteit 90 jaor en haet 2016 oetgerope tot “Jaor van de Limburgse dialekte”. Daorum brink Veldek Krink Venlo dit jaor ’n “Ode aan Sef Cornet”.

Sef Cornet is de vader van “de Venlose Revue” en haet ’n belangrieke beejdrage geleverd aan de Venlose volkscultuur. Hae had van 1913 wies 1950 groeët succes mit ruum twintig revues en cabaretveurstellinge. Same mit zien broor Mathieu schreef hae de tekste en de leedjes. Mit weinig kós hae ‘ne zaal laote bölke van ’t lache. Nao zien euverlieje in 1953 is hae in de vergetelheid geraak. Veldeke brink um weer ónder de aandach mit ’n “Ode aan Sef Cornet”.

Venlose tenielspeulers laote same mit regisseur Marnix Mulder de “Revues” van Sef Cornet herlaeve. Frans Boermans Jr., Wim Naus en Sef Peeters hebbe ’n selectie gemak van tekste en lledjes van Sef en Mathieu Cornet nao aanleiding van gesprekke en bewaard materiaal.

← Ga terug